هريدي والثورة السوريه , بقلم الاستاذ , أحمد رياض غنام

لم يكن هريدي بأفضل من زئلط .! فكلاهما كان يبيع ويشتري بالثورة
السوريه ……… عايشت ذلك أثناء وجودي في الحي الراقي من بولاء
الدكرور { نسبة لعالم الرجولة } .!!! وكانت معظم القنوات التلفزيونيه
تفتح ذراعيها لي لكي أدلي بدلوي فيما يخص الحراك الثوري السوري
وتطورات الوضع السياسي على كافة المستويات …. بمافيها مستوى
واحة سيوه وقناة السويس ……. التي كانت تعبر منها السفن الحربية
محملة بالهدايا للشعب السوري والسماد المتفجر والفستق الإيراني
المشهور . وكنت أحتج صارخاً بأعلى صوتي عبر تلك القنوات من أجل
تصدير الكافيار الإيراني الشهير بدل السماد ولكن دون جدوى .!!
وكان هناك إصرار من قبل بعض المراجع القانونيه المصريه … بأن قناة
السويس { وحده سايبه ملهاش حد يلمها } ..!! حسب قانون البحار
والمسالك البوليه .؟! وكنت أصرخ أمال سيادة أبوها فين .؟؟!!! ولكن
من دون فايده ..ألّله .؟!
وكان الناس في الميادين وعلى المقاهي قليلة الأدب المرميه على
الأرصفه . تمدح بسوريا وشعبها { سوري .؟!! أجدع ناس }
وفجأة جائنا الواد الأسمر { المتمرد } وابتدت الهوّجه . إجّمع تواقيع
يافندم . آل أيه العيال كبرت وعايزة حقها .؟!
حق أيه يابو حق .! مالبلد كانت ماشيه والزباله عايمه والنور ياسلام
على النور ساعه جاي وساعتين عندو مشوار ومش جاي .!!!
وكل ده ليه ؟!! عشان الود المتمرد إبن الست عدلات كان أتفق مع
سي بسيوني إبن الئرموطي .. إنهم مش عايزين ياكلوا كشري بعد
اليوم وعايزين يضربوا الطعميه بالصرمه الئديمه .!
الراجل كان متين وعايش في سويسرا { عمو نجيب } .! وعايز كل
المصريين يبئوا زيوا نباتيين يعني جرجير وفيله سمك عشان الضغط
والكيلوسترول والذي منّه .!!!! ياسلام ياولاد واللّه وحلوت وحنبقى
خواجات ببرنيطه .
وقامت الهوجه التانيه وصاروا السوريين { أسفل ناس } وحلوا عننا
مش عايزنكم مانتم ولاد عم هريدي أبو الطعميه والجلابيه .
وإحنا خلاص عدينا وبقينا لبسين كوفيه و برنيطه .!! وحنسافر كلنا
السعوديه ……. وحنجيب ياما وياما أشي بطانيات وأشي جلابيات
خليجيه وهات يابخور وساعات صينيه .
والرداحين أولاد الرداحين أنفلتوا بقا ومفيش حد يلمهم وعملين من
{ الفراعين } أكاديمية الردح { الفرعونيه } .!!
وهات يامحللين وهات يامنظرين عن أسباب الثورة السوريه .!!!!!!
هى ده ثوره ولامؤامره زي ماقال عم عبدو البواب ولايكون حد عامل
عامل للأسد ومؤامره كونيه .!! وهات ياشيشه وهات ياحلبه حصل
والنتيجه أيه .{ طلعت الثورة بنت كلب } والمعارضه السوريه عميله
للأمبرياليه العالميه ومؤامره وراها بندر !! لاء لاء لاء لاء يخرب بيتك
ماتقولش كده لايئوموا يئطعوا علينا الميه .؟!! ماتخليها إسرائيل ولا
أيه رأيك نخليها أثيوبيا . عشان نضرب عصفورين بحجر معسل واحد
من ناحيه عشان عايزين يبنوا سد النهضه ويئطعوا الميه ومن ناحيه
تانيه مانزعلش مننا السعوديه .!!!
وخير اللّهم أجعلو خير …… كل ماأخشاه أن يشعر أخوتنا في القطر
المصري قرب سقوط الأسد في دمشق ويرجعوا يئولوا أسفين هما
دول شوية عيال ألي غلطوا فيكوا ياسوريين وتعالوا نلم الدور وناخد
لنا شيشه على النيل أو نركب المركب وهات ياطرب . آيّه أههه دنيا
ماحدش واخد منها حاجه …. أهي فانيه وزفت وطين وفوئيهم حتتة
أطران وسلمّلي على الترمّوايي .؟؟!!!!!

أ.غ